WIP խորհրդատվական ընկերություն

Ողջույն ես Վարդուհին եմ` WIP ընկերության հիմնադիր տնօրենը։ 

Իմ խոսքը գրելիս չեմ օգտվում ոչ մի արհեստական բանականության գործիքից, քանի որ ուզում եմ որ այն լինի հենց իմն ու իմ սրտից բխի։ 

Մինչ WIP-ի մասին պատմելը կուզեմ մի փոքր իմ մասին պատմել։ 

Ես ծնվել եմ 1982 թ -ին Երևանում։ Սկսել եմ աշխատել շատ վաղ հասակից։ Բնական է, որ կատարել եմ մի շարք բարդ աշխատանքներ, որոնք տվյալ պահին շատ դժվար էին, սակայն՝ հետագայում հենց այդ փորձառությունն անգնահատելի մեծ դեր խաղաց իմ՝ որպես մարդ և մասնագետ կայանալու գործում։

Պրոֆեսիոնալ կարիերաս սկսել եմ 2000 թվականից։ Աշխատել եմ տարբեր ոլորտներում` սոցիոլոգիական հետազոտություններ, հաճախորդների սպասարկում, մարքեթինք և մարդկային ռեսուրսների կառավարում։ 

Բոլոր վերը նշված մասնագիտությունները միավորում է մեկ բան՝ դրանք բոլորը մարդկանց հետ աշխատելու և մարդու մասին են։ 

Հատկապես վերջին 15 տարիներին զբաղեցրել եմ ղեկավար հաստիքներ՝ աշխատելով հայաստանյան խոշորագույն մի շարք ընկերություններում։ 

7 տարի է, ինչ հիմնադրել եմ WIP խորհրդատվական ընկերությունը, որի շրջանակներում համագործակցած մեր գործընկեր կազմակերպությունների թիվը գերազանցում է 30 -ը և, ի ուրախություն ինձ, օր օրի աճում է։ 

Ունեմ 3 երեխա, ովքեր անխոս իմ ամենահաջողված նախագծերն են։ 

Բարի Գալուստ WIP – Work in Progress, ընկերություն, որը մարդկային երջանկության և բիզնեսի արդյունավետության մասին է։ Չէ՞ որ մարդը երջանիկ է , երբ արդյունավետ է և հակառակը։ 

Սիրով՝

Վարդուհի Հարությունյան

WIP – Work In Progress տնօրեն