«Առանց էգոյի ղեկավարում» սեմինար

2026 թվականի մարտի 6-ին WIP – Work In Progress ընկերության տնօրեն Վարդուհի Հարությունյանն իրականացրեց սեմինար Club Capital Business ակումբի անդամների համար՝ «Առանց էգոյի ղեկավարում» թեմայով։

Սեմինարի ընթացքում քննարկվեցին էգոյի դրսևորումները ղեկավարների առօրյա գործունեության մեջ և դրանց ազդեցությունը որոշումների կայացման, հաղորդակցության և թիմային համագործակցության վրա։

Մասնակիցները հնարավորություն ունեցան վերլուծել իրական աշխատանքային իրավիճակներ, բացահայտել իրենց վարքագծային դրսևորումները և հասկանալ, թե ինչպես էգոն կարող է սահմանափակել արդյունավետ առաջնորդությունը։

Սեմինարը կառուցված էր գործնական մոտեցմամբ՝ ներառելով քննարկումներ, վարժություններ և ինքնավերլուծության գործիքներ, որոնք օգնում են զարգացնել ավելի գիտակցված, ճկուն և արդյունավետ ղեկավարություն։

Այսպիսի հանդիպումները նպաստում են ղեկավարների ինքնաճանաչման խորացմանը և ստեղծում են ավելի առողջ և արդյունավետ կազմակերպական միջավայր։